جامعه فاطميه جي پرنسپال علامه اخلاق شيرازي (حفظه الله) ۽ شيعا علماء ڪائونسل پاڪستان جي نائب سيڪريٽري اطلاعات سيد الطاف حسين ڪاظمي صاحب، مرجع عالي قدر آيت الله العظميٰ حافظ بشير حسين نجفي (دام ظله الوارف) سان نجف اشرف ۾ سندن مرڪزي دفتر ۾ ملاقات ڪئي.

ملاقات دوران، معزز مهمانن مرجع عالي قدر (دام ظله الوارف) جي صحت بابت پڇا ڳاڇا ڪئي ۽ سندن وڏي ڄمار لاءِ خصوصي دعا گهري.

 علامه اخلاق شيرازي حفظه الله ۽ سيد الطاف حسين ڪاظمي صاحب، مرجع عالي قدر (دام ظله الوارف) جي وجود کي امت مسلمه لاءِ عام طور تي، ۽ شيعيان عالم ۽ خاص طور تي برصغير جي مؤمنن لاءِ هڪ وڏي نعمت قرار ڏنو.

انهن مرجع عالي قدر (دام ظله) جو قيمتي وقت ڏيڻ تي دل جي گهراين سان شڪريو ادا ڪيو ۽ سندن علمي ۽ فڪري رهنمائي کي وڏي مانَ سان ساراهيو.

انهيءَ دوران، مرجع عالي قدر مهمانن جي نيڪ جذبات جي قدر ڪندي دعا گهري ته الله تعالى امت مسلمه کي ڪاميابي ۽ عزت عطا ڪري، ۽ شيعيان علي (عليه السلام) کي علم ۽ عمل جي دولت سان سرشار فرمائي.