حجة الاسلام علامه سيد شميم الحسن (دام عزہ) جي سربراهيءَ ۾ انجمن غلامان سيده زينبؑ، لکهنؤ جي وفد جي مرجع عالي قدر حضرت آيت الله العظمى الحاج حافظ بشير حسين نجفي (دام ظله الوارف) سان ملاقات
30/1/2025
مرجع مسلمين و جهانِ تشيع حضرت آيت الله العظمى الحاج حافظ بشير حسين نجفي (دام ظله الوارف)، نجف اشرف جي مرڪزي دفتر ۾ لکهنؤ، هندستان کان آيل انجمن غلامان سيده زينب عليها السلام جي وفد جو حجة الاسلام والمسلمين علامه سيد شميم الحسن (دام عزہ) جي سربراهيءَ ۾ خيرمقدم ڪيو.
وفد ۾ انجمن جا ميمبر،علماء ڪرام، شعراء کان علاوه بنارس شهر سان تعلق رکندڙ جناب ارشاد علي صاحب شامل هئا، جن پنهنجن هٿن سان آبِ زمزم ۽ خاڪِ شفا سان لکيل قرآن مجيد جو ٽيهون پارو پيش ڪيو. جنهن تي مرجع عالي قدر (دام ظله الوارف)، سندن انهيءَ ڪاوش لاءِ دعا فرمائي ته اها الله جي بارگاھ ۾ قبوليت ماڻي ۽ سندن لاءِ وڌيڪ توفيقات جي لاءِ دعا ڪئي.
مرجع عالي قدر دام ظله الوارف، علماء ڪرام کي خطاب ڪندي فرمايو ته لکهنؤ جو حوزہ علميه پنهنجي مثال پاڻ هو، منهنجي خواهش آهي ته منهنجي زندگيءَ ۾ لکهنؤ جي حوزي جي جواني وري موٽي اچي. ان مقصد لاءِ گڏيل جدوجهد ضروري آهي ۽ اميد آهي ته علماء ڪرام پنهنجي پوري ڪوشش سان لکهنؤ جي حوزي جي رونق کي ٻيهر بحال ڪندا.
واضح رهي ته انجمن غلامان سيده زينب عليها السلام گذريل يارنهن سالن کان مرڪزي دفتر جي نگرانيءَ ۾، حجة الاسلام شيخ علي نجفي دام عزہ (مرجع عالي قدر دام ظله الوارف جا فرزند ۽ مرڪزي دفتر جا مدير) جي مشارڪت سان بين الحرمين، ڪربلاء مقدسہ ۾ 3 شعبان تي عالمي جشن صبر و وفا جو اهتمام ڪندي اچي ٿي. هن سال به انجمن جو وفد جشن لاءِ پهچي چڪو آهي، جنهن مرجع عالي قدر (دام ظله الوارف) جي خدمت ۾ جشن جي تيارين ۽ تفصيلن بابت آگاهي پيش ڪئي.
ان موقعي تي مرجع عالي قدر (دام ظله الوارف)، انجمن کي مبارڪباد ڏني ۽ جشن جي ڪاميابيءَ لاءِ دعا ڪئي.
ٻئي طرف، انجمن، مرڪزي دفتر جي تعاون ۽ سرپرستيءَ تي سندن شڪريو ادا ڪيو.