مرجعِ عالي قدر حضرت آيتُ الله العُظمىٰ الحاج حافظ بشير حسين النجفي (دامَ ظِلُّهُ الوارف) پنهنجي مرڪزي دفتر، نجفِ اشرف ۾، هندستان جي سفارتخاني بغداد جي هڪ نمائندگي وفد جو خير مقدم ڪيو.

ان ملاقات دوران مرجعِ عالي قدر (دام ظلُّه) هندستان ۽ عراق جي وچ ۾ مختلف شعبن ۾ لاڳاپن جي وڌيڪ مضبوطيءَ جي اهميت تي زور ڀريو، ته جيئن ٻنهي ملڪن جي عوام جي ڀلائيءَ لاءِ وڌيڪ مؤثر خدمت مهيا ڪري سگهجي. خاص طور تي، پاڻ نجفِ اشرف ۾ تعليم حاصل ڪندڙ طلابِ علومِ دينيه جي خدمت کي ترجيحي بنيادن تي انجام ڏيڻ جي دعوت ڏني.

وفد جي نمائندن طرفان، سفارتخاني جي پوري همدردي ۽ سهڪار جي خاطري ڪرائي، ۽ عراق ۾ رهندڙ هندستاني شهرين، خاص ڪري طلاب ۽ زائرن، جي خدمتن لاءِ ڪيل سفارتي ڪوششن کي اجاگر ڪيو ويو.

ان موقعي تي، مرجعيت جي دفتر طرفان طلاب ۽ زائرين کي ڏنل سهولتن تي پڻ وفد پاران شڪرگذاري جو اظهار ڪيو ويو.

وفد ۾ شامل اهم شخصيتون:

• جناب اي. ڪي. نگم – سيڪنڊ سيڪريٽري (قونصلر ۽ ڪميونٽي معاملا)

• جناب ايم. نندڪمار – سيڪنڊ سيڪريٽري (قونصلر ۽ ڪميونٽي معاملا)

• جناب تُشار ڪانت يونياَل – سيڪنڊ سيڪريٽري (سياسي ۽ واپاري معاملا)