Ayətullah əl üzma Şeyx Bəşir Hüseyn Nəcəfi (kölgəsi davamlı olsun) möminlərin izdihamı ilə Zəmanə İmamına (ə.f) böyük nənəsinin şəhadətilə bağlı başsağlığı vermək üçün özünün Nəcəful-Əşrəfdə yerləşən mərkəzi ofisindən Əmirul-mömininin (ə.s) hərəminə doğru başlayan əzəmətli Fatimiyyə (ə.s) yürüşündə iştirak etmişdir.

Yürüş dini elmlər üzrə ustad və tələbələrin təmsil olunduğu alimlərin iştirakına şahidlik edib. Yürüşdə dini mərcələrin nümayəndələri və etimad etdikləri şəxslər iştirak ediblər. Həmçinin, burada İraqın möhtərəm qəbilələrinin şeyxləri və əyanları və onların oğulları, akademiklər və imam Hüseyn (ə.s) heyətlərinin sahibləri iştirak ediblər.

Vilayəti təzələmək və həqiqi Muhəmməd (s) dinini dirçəltmək

Hörmətli mərcəi təqlid (kölgəsi davamlı olsun) təkidli şəkildə bunu söyləyib ki, “Fatimiyyə (ə.s) əzadarlığının dirçəlişi Əhli-beytə (ə.s) vilayətin təzələnməsi və həqiqi Muhəmməd (s) dininin dirçəlişidir”. O əlavə edib ki, Xanım Zəhra (ə.s) atasının (s) dinini müdafiə etmək üçün müsibətlərə dözüb və bunun üçün ən böyük fədakarlıqlar edib.

Xanım Zəhra (ə.s) insan kamilliyinin rəmzidir

Hörmətli mərcəi təqlid (kölgəsi davamlı olsun) qeyd etdib ki, Xanım Zəhra (ə.s) bəşəriyyət üçün böyük örnəkdir və Allahın insan üçün istədiyi həqiqi kamilliyi təcəssüm etdirir. Şeyx, bütün möminləri - xüsusən də qadınları - onun həyatına nümunəvi qız, həyat yoldaşı və ana olaraq iqtida etməyə çağırıb.

Fatimiyyə (ə.s) Yürüşü: illik (dini) ayinlərin dirçəlişidir

Öz növbəsində, Hörmətli mərcəi təqlidin (kölgəsi davamlı olsun)  təmsilçisi və onun Nəcəful-Əşrəfdəki mərkəzi ofisinin müdiri Şeyx Əli Nəcəfi (Allah ömrünə bərəkət versin) bildirib ki, “Fatimiyyə (ə.s) yürüşü illik matəmdir və bu matəm vasitəsilə möminlər ədalətsizlik və müxtəlif formalarda və zamanlarda terrorizmi rədd edirlər”. O, Xanım Zəhraya (ə.s) edilən hücumun İslam ümmətinin başına gələn bütün bəlaların qapısı olduğunu vurğulayıb.

Vəfadarlıq və fədakarlıq mesajı

Hörmətli mərcəi təqlidin (kölgəsi davamlı olsun) təmsilçisi vurğulayıb ki, Fatimiyyə (ə.s) matəm mərasimi Əhli-beyt (ə.s) vilayəti və vəfadarlığı haqqında yeni bir bəyannamə və Xanım Zəhranın (ə.s) müdafiə etdiyi haqq və ədalət naminə davam edən fədakarlığın təsdiqidir.

Əhli-beytə (ə.s) başsağlığı və vilayət ifadələri Rəsul küçəsindən keçərək Əmirul-mömininin (ə.s) hərəminə çatana qədər Fatimiyyə (ə.s) yürüşü Əzəmətli Peyğəmbərə (s) və onun pak Əhli-beytinə (ə.s) başsağlığı və sədaqət şüarlarının səsləndirilməsinə şahidlik edib.

Mərasim imam Əlinin (ə.s) hərəmində əzadarlıq məclisinin keçirilməsi, daha sonra Mövla imam Əlinin (ə.s) hərəmini ziyarət etmək, Həzrət Muhəmmədin (s) (din və) yoluna sevgi və sədaqətlərini ifadə etməklə yekunlaşıb.