Ayətullah əl üzma Şeyx Bəşir Hüseyn Nəcəfinin (kölgəsi davamlı olsun) Bağdad şəhərinin Səfir məntəqəsindəki nümayəndəliyi, imkansız ailələrin və yetim uşaqların məktəb geyimi ilə təmin olunması məqsədilə kampaniya həyata keçirib.

Şeyx Kərrar Suveydi dedi: “Allahın köməyi və lütfü ilə, həmçinin imam Höccət Sahibuz-Zamanın (ə.f) adından, yetimlər və imkansız təbəqədən olan məktəbli oğlan və qızlarımız üçün məktəb geyimlərinin paylanması kampaniyasını həyata keçirdik. Bu kampaniya, bizim qeydiyyatımızda olan təxminən 60 ailəni əhatə etdi”.

O əlavə etdi: “Nümayəndəlik, Ayətullah əl üzma Şeyx Bəşir Hüseyn Nəcəfinin (kölgəsi davamlı olsun) bu məsələyə dair göstərişlərinə uyğun olaraq, ehtiyacı olan və kasıb təbəqədən olan insanlarımıza xidmət göstərməyə davam edir”.

Şeyx Suveydi həmçinin xeyriyyəçilərə, yardımsevər insanlara və onların ehtiyac içində olanlara dəstəkləri ilə göstərdikləri səxavətə görə təşəkkür etdi.