Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bağdad şəhərinin Cəmilə məhəlləsində yerləşən Ənsar Hüseyniyyəsindəki nümayəndəliyi, imam Musa ibn Cəfərin (ə.s) həyatını və irsini yad etdi.

Dini moizəsi zamanı doktor seyid Əhməd Yasiri, şəhid imam Kazımın (ə.s) şəhadət ildönümünü anaraq onun pak həyatının və əzəmətli şəxsiyyətinin ilahi ədalət prinsiplərini əks etdirdiyini vurğuladı. O, İmamın (ə.s) şərəf və qəhrəmanlıq simvolu olduğunu bildirərək dedi: “Necə belə olmasın ki? O (ə.s), peyğəmbərlik nəslinin davamçısı və Haşimi şərəfinin təcəssümü idi. Onlar haqq yolunda, dinin və İslamın izzəti naminə özlərini qurban verdilər, Allahın sözünü yüksəltmək uğrunda mübarizə apardılar".

Seyid Yasiri çıxışında imam Kazımın (ə.s) düşmənlər tərəfindən məruz qaldığı əziyyətlərə, zülmə və təzyiqlərə toxundu. O, İmamın (ə.s) orijinal Muhəmmədi İslamı qorumaq üçün çətinliklərə sinə gərdiyini, uzun illər zalımların zindanlarında əziyyət çəkdiyini, nəhayət, Allah yolunda şəhid olduğunu vurğuladı. “Ona salam olsun! O gün ki doğuldu, o gün ki şəhid oldu və o gün ki, dirilərək Allahın hüzuruna gələcək! Allah bizə onun müqəddəs məqamını ziyarət etməyi və Qiyamət günü şəfaətinə nail olmağı nəsib etsin. Şübhəsiz ki, O, ən gözəl dost və ən yaxşı yardımçıdır".

Seyid Yasiri, bu böyük müsibət münasibətilə həzrət Sahibuz-Zamana (ə.f), böyük dini alimlərə və bütün Əhli-beyt (ə.s) dostlarına və şiələrinə başsağlığı verərək, bu hüznlü hadisənin İslam və müsəlmanlar üçün böyük bir itki olduğunu bildirdi.