Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi, ərzaq yardımı təmin etmək məqsədilə həyata keçirilən əməli fəaliyyətlər çərçivəsində bir çox ehtiyaclı və haqlı ailəyə ərzaq paketləri təqdim edib.

Seyid Muhəmməd Cabiri bildirib: “Sosial həmrəyliyin çox böyük önəmi var. Bu həmrəylik yoxsul təbəqələri dəstəkləmək, ehtiyac sahiblərinə yardım etmək və bu mübarək ayda insani duyğunu və başqalarına qarşı həssaslığı gücləndirmək baxımından mühümdür. Biz bütün sosial fəaliyyətlərimizdə, xüsusilə bu mübarək xeyriyyə sahəsində bunu vurğulamağa və həyata keçirməyə çalışırıq".

O, əlavə edib ki, nümayəndəlik bu layihə vasitəsilə oruc tutanların iftar və sühurda faydalana bilməsi üçün ehtiyaclı ailələrə ərzaq səbətləri təqdim edir.

Ramazan səbətinə əsas ərzaq məhsulları – düyü, şəkər, un, çay, yağ və müxtəlif konservlər – daxildir və bu məhsullar həmin ailələrin gündəlik tələbatlarını ödəmək məqsədilə təqdim olunur.

Seyid Cabiri qeyd edib ki, biz bu təşəbbüslə ehtiyaclıların əsas tələbatlarını təmin etməyə, onlara ləyaqətli bir həyat şəraiti yaratmağa və bu sahədə fəaliyyət göstərən qurumlar və şəxslərlə əməkdaşlıq etməyə çalışırıq.