• شهيدن جي وارثن ۽ ايراني عوام سان دل جي گهراين سان تعزيت جو اظهار

• پاڪيزه خون، جيڪو راهِ حق ۾ وهايو ويو، درحقيقت امام حسين عليه السلام جي ان عظيم نهج جو تسلسل آهي، جيڪو ظلم ۽ فساد جي مقابلي ۾ قيام ۽ مزاحمت جي علامت آهي۔

نجف اشرف جي مسجد الحنانه ۾ هڪ پراثر ۽ روحاني فضا ۾ مجلسِ عزا منعقد ٿي، جنهن ۾ مرجعِ مسلمين و جهانِ تشيع حضرت آيتُ الله العظمى الحاج حافظ بشير حسين النجفي (دامَ ظِلُّهُ الوارف) جي فرزند ۽ مرڪزي دفتر جي مدير، حجة الاسلام الشيخ علي النجفي (دامَ عِزُّه) شرڪت فرمائي۔

هيءَ مجلس عزاء امام حسين عليه السلام ۽ سندن اهلِ بيتِ اطهار عليهم السلام جي شهادت جي ياد ۾ منعقد ڪئي وئي، جنهن ۾ شهداء ڪربلا جي قربانين کي عقيدت سان خراج تحسين پيش ڪيو ويو۔ ان ئي مجلس ۾ تازو ئي شهيد ٿيندڙ اسلامي جمهوريه ايران جي شهيدن جي ارواحن لاءِ پڻ دعا ۽ فاتحه خواني ڪئي وئي۔

الشيخ علي النجفي (دامَ تأييدُه) مجلسِ عزا ۾ شرڪت ڪئي، جتي هنن شهيدن جي وارثن ۽ ايراني عوام سان دلي تعزيت جو اظهار ڪيو۔

پاڻ انهن شهيدن جي قربانين کي خراجِ تحسين پيش ڪندي، اسلامي جمهوريه ايران جي انهن موقفن جي ساراهه ڪئي، جيڪي ان امتِ مسلمه جي اهم مسئلن جي حمايت ۾ اختيار ڪيا، خاص طور تي غاصب صهيوني حڪومت جي مقابلي ۾ ثابت قدم رهڻ جي سلسلي ۾۔

پاڻ ان ڳالهه ڏانهن اشارو ڪيو ته هي پاڪ خون، جيڪو راهِ حق ۾ وهايو ويو، درحقيقت امام حسين عليه السلام جي ان عظيم راهه جو تسلسل آهي، جيڪا ظلم ۽ فساد جي مقابلي ۾ قيام ۽ مزاحمت جي علامت آهي۔

ان مجلسِ عزا ۾ ڪيترن ئي علماءِ ڪرام، حوزہ علميہ جي طلاب، ۽ مؤمنين جي وڏي تعداد شرڪت ڪئي۔

مجلس جي پڄاڻي دعا سان ٿي، جنهن ۾ امتِ مسلمه تان آفتن جي خاتمي، سڄي دنيا جي مظلومن جي نصرت، ۽ شعائرِ حسينيه جي هر سال نئين سر احيا جي توفيق جي دعا ڪئي وئي—ايسيتائين جو امام مهدي المنتظر (عجّل الله فرجه الشريف) جو ظهور مبارڪ نصيب ٿئي۔