ناصریہ گورنریٹ ضلع دوایہ  میں قیام کے دوران مرجع عالی قدر دام ظلہ الوارف کے فرزند اور انوار النجفیہ_فاؤنڈیشن کے سربراہ حجۃ الاسلام شیخ علی نجفی دام عزہ نے  قبیلہ بنی سعید  اور دیگر قبیلے کے ذمہ داروں اورمومنین سے ملاقات کی، اپنے خطاب میں ان تک مرجع عالی قدر دام ظلہ الوارف کا سلام انکی دعائیں اور نصیحتیں نقل کیا اورقبیلوں کے سربراہان کو دعوت دی کہ  وہ ان افکار و خیالات کا مقابلہ  کرنے میں اپنا کردار ادا کریں کہ جو ہمارے مذہب، اخلاق اور رسم و رواج سے مطابقت نہیں رکھتے۔