Ayətullah əl üzma Şeyx Bəşir Hüseyn Nəcəfi (kölgəsi davamlı olsun) xaricdən, xüsusən İran İslam Respublikası və Pakistan İslam Respublikasından gələn ziyarətçi heyətlərinə ayrı-ayrılıqda dini və atalıq məsləhətləri təqdim etdi.

Heyətlər İraqa müqəddəs məkanlarını ziyarət etmək, sonra isə Hörmətli mərcəi-əqlidin (kölgəsi davamlı olsun) ofisini ziyarət edərək onun dini və atalıq tövsiyələrindən faydalanmaq üçün gəliblər.

Hörmətli mərcəi-təqlid (kölgəsi davamlı olsun) vurğulayıb ki, müqəddəs məkanları ziyarət edən ziyarətçilər bu fürsəti özlərini dəyişdirmək üçün qaçırmamalıdırlar. Belə ki, bu dəyişiklik onların özlərinə, davranışlarına, ailələrinə və ümumilikdə cəmiyyətə əks olunmalıdır. Bütün bunlar İraqın müqəddəs məkanlarına yaxınlaşmağın və bu ziyarətin bərəkəti ilə mümkündür.

Hörmətli mərcəi-təqlid (kölgəsi davamlı olsun) fərd və cəmiyyətin həm dünya, həm də axirət xoşbəxtliyinə nail olmaq üçün özünüqiymətləndirmənin əhəmiyyətini vurğulayıb. Bu, insanın öz nəfsini davamlı olaraq hesaba çəkməsi, Allahın əmr etdiklərinə əməl etməsi və Onun qadağan etdiklərindən çəkinməsi ilə mümkündür. Həzrət Peyğəmbərin Əhli-Beytinin (ə.s) yolunu gedərək və haqq yolunda sabit qalmaq bu məsələdə mühüm rol oynayır.

Hörmətli mərcəi-təqlid ziyarətçilərin suallarını cavablandırıb və söhbəti möminlər üçün hidayət və islah duası ilə tamamlayib.