Ayətullah əl üzma Şeyx Bəşir Hüseyn Nəcəfinin (kölgəsi davamlı olsun) nümayəndəsi Divaniyyə vilayətinin mərkəzində Müqəddəs Xanım Fatimətuz-Zəhranın (s.ə) həyatını yad etmək üçün əzadarlıq məclisi təşkil etdi.

Məclis zamanı Seyid Həsən Quseyir çıxış edərək dedi: “Xanım Fatimətuz-Zəhra (ə.s) peyğəmbərlik evində və vəhy ocağında böyümüşdür. Atası Rəsulullah (s) ona ilahi elmləri öyrədərək, mənəvi biliklərindən ona bəxş etdi. Allah-taalanın hikməti ilə bu pak qızı, atası Rəsulullahın (s) müşriklər tərəfindən gördüyü əziyyətləri paylaşdı. O, insanları tək Allaha ibadət etməyə çağırarkən böyük çətinliklərlə üzləşdi. Beş yaşında isə anası xanım Xədicəni (s.ə) itirdi və atasına sığındı. Rəsulullah (s) onun üçün tək təsəlli mənbəyi oldu və ona bütün sevgi, şəfqət və hörmət bəxş etdi. Peyğəmbər (s) isə onda gözlərinin nurunu tapdı. Onun atasına olan şəfqəti və qayğısı o qədər idi ki, Peyğəmbər (s) onu belə vəsf etdi: “Fatimə atasının anasıdır”.

Seyid Həsən əlavə etdi ki: “Peyğəmbərin (s) xanım Fatiməyə (s.ə) xüsusi diqqəti, onun Allah dərgahında yüksək məqamına görə idi, dünyəvi səbəblərdən deyil. Peyğəmbər (s.ə.v.s) onun haqqında belə buyurmuşdur: ‘Fatimə mənim bir parçamdır. Ona əziyyət verən mənə əziyyət vermiş olar, mənə əziyyət verən isə Allaha əziyyət vermiş olar”.

Möhtərəm Seyid Quseyir İslam ümmətinin bu həqiqəti dərk etməsinin və Əhli-Beyt (ə.s) sevgisinə bağlı qalmasının vacibliyini vurğulayıb. Çünki bu, həm Quranda, həm də Peyğəmbərin (s) mübarək sünnəsində tövsiyə edilmişdir.