Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisinin Bəsrə şəhərinin Qəzaul-Mədinə qəsəbəsində yerləşən nümayəndəliyi, imam Hüseynin (ə.s) müqəddəs hərəmi ilə əməkdaşlıq edərək (Qurani-Kərimin cəmiyyətin qurulmasında rolu) mövzusunda təşkil olunan Fikir və Mədəni sempozyumda iştirak etdi. Tədbir, imam Muhəmməd Baqir (ə.s) məscidində keçirildi.

Seyid Muhəmməd Cabiri, tədbirdə verdiyi bəyanatda dedi: "Bu sempozyum imam Hüseynin (ə.s) müqəddəs hərəmi ilə əməkdaşlıqla təşkil edilib. Qurani-Kərimin cəmiyyətin qurulmasında təsiri mövzusunda geniş müzakirələr aparıldı və bu tədbirdə alimlər və Bəsrə cəmiyyətinin digər nümayəndələri də iştirak etdi".

Daha sonra əlavə etdi: "Sempozyumda Qurani-Kərimin əhəmiyyəti və cəmiyyətin qurulmasında necə əsas rol oynadığını izah etdik. İslam dünyagörüşünə görə, cəmiyyətin qurulması, əvvəlcə fərddən başlayır, sonra isə bütöv bir cəmiyyətin inşasına doğru irəliləyir. Bunun nəticəsində, mədəniyyətə malik, özünə və ölkəsinə xidmət edə bilən bir cəmiyyət formalaşır və bu, heç şübhəsiz, inkişaf etmiş dövlətlər sırasında yer alır. Onun sərhədlərinə riayət etmək, əmr və qadağalarına əməl etmək, günahlardan çəkinmək və xeyirli işlər görmək İslamın və Allah kəlamının bizə verdiyi tövsiyələrdən biridir".

Seyid Cabiri, imam Hüseynin (ə.s) müqəddəs hərəminin alimlərinə və onların İslam məlumatını yaymaqda göstərdikləri əzmkarlığa görə təşəkkür etdi.