Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Bəsrə şəhərindəki nümayəndəsi Müqəddəs Ramazan ayı münasibətilə pulsuz xeyriyyə bazarının açılışını edib.

Şeyx Müsənna Rübeyi bildirib: “Nümayəndəlik Allah-taalanın lütfü və tövfiqi ilə Müqəddəs Ramazan ayı münasibətilə pulsuz xeyriyyə bazarını açdı ki, yetim və imkansız ailələr bayram üçün geyim və digər ehtiyaclarını ödəmək məqsədilə pulsuz alış-veriş edə bilsinlər".

O, çıxışı zamanı qeyd edib ki, bu xeyriyyə bazarının məqsədi yetim uşaqların ehtiyaclarını qarşılamaq, onlara geyim və digər lazımi əşyaları təqdim etməkdir. Bu, hər il xeyir və bərəkət ayının sonuna yaxın həyata keçirilən illik təşəbbüsdür.

Şeyx Rübeyi, bu xeyriyyə sahəsində fəaliyyət göstərən və töhfə verən hər kəsi təqdir edərək, bazarın uğurunu təbrik edib və hamıya uğurlar arzulayıb.