Nəcəful-Əşrəf şəhərində yerləşən Hənnana məscidində Hüseyni əza məclisi təşkil olunub. Məclisdə Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi və mərkəzi ofisinin müdiri Şeyx Əli Nəcəfi iştirak edib.

Məclis ruhani və təvazökar bir atmosferdə keçirilib. Burada imam Hüseynin (ə.s) və onun pak Əhli-beytinin (ə.s) şəhadəti yad edilib. Eyni zamanda, İran İslam Respublikasının son günlərdə şəhid olan vətəndaşlarının ruhlarına rəhmət oxunub.

Şeyx Əli Nəcəfi Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi olaraq məclisdə iştirak edib, şəhidlərin ailələrinə və İran xalqına başsağlığı verib, onların fədakarlıqlarını və İslam ümmətinin məsələlərində İran İslam Respublikasının mövqeyini yüksək qiymətləndirib.

O, çıxışında bildirib ki, bu mübarək şəhid qanları, İmam Hüseynin (ə) zülmə və fəsada qarşı mübarizə yolunun davamıdır.

Məclisdə bir sıra alimlər, eləcə də elmi hövzə tələbələri və mömin insanlar iştirak edib. Tədbirin sonunda İslam ümmətindən bəla və çətinliklərin götürülməsi, dünyada məzlumların müdafiəsi və Hüseyni əzadarlığın hər il daha canlı yaşadılması üçün dualar edilib. Bu əza mərasimləri İmam Məhdinin (ə.f) zühuruna qədər davam edəcək, inşaAllah.