Ayətullah əl Üzma Şeyx Bəşir Hüseyn Nəcəfi (kölgəsi davamlı olsun), İran İslam Respublikasının İraqdakı səfiri Seyid Muhəmməd Kazım Al Sadiqi və onu müşayiət edən heyəti qəbul edib.

Bu görüş, Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisində hər il təşkil olunan və İmam Hüseynin (ə) şəhadətinin anımına həsr edilmiş Aşura məclisinin başa çatmasından sonra baş tutub.

Cənab səfir görüş zamanı Aşura münasibətilə hörmətli mərcəi-təqlidə (kölgəsi davamlı olsun) başsağlığı verərək, onun möminlərə dəstəyi və onların məsələlərinin müdafiəsindəki dini və mənəvi mövqeyini, xüsusilə də İran İslam Respublikasındakı möminlərlə bağlı göstərdiyi diqqət və dəstəyi yüksək qiymətləndirib.