Bu məclislər zamanı Şeyx Kərim Saidi bildirib ki, Hüseyni inqilab özündə böyük mənalar və əbədi insani prinsipləri daşıyır. O qeyd edib ki, bu inqilab sadəcə 1400 ildən əvvəl baş vermiş bir tarixi hadisə deyil, əksinə, o, peyğəmbərlik yolunun canlı davamıdır və batil əhli tərəfindən gizlədilməyə çalışılan haqq və ədalət dəyərlərinin yaşamasıdır.

O əlavə edib ki, imam Hüseynin (ə.s) qiyamı dini xilas etmək, şəriəti diriltmək və İslam ümmətini Peyğəmbərin (s) şəfqətli risalətinə uyğun şəkildə islah etmək üçün baş vermişdir. İmam Hüseyn (ə.s) dərk etmişdi ki, bəşəriyyətin gələcəyi onun şəhadətindən asılıdır və Kərbəla torpağını sulayan onun qanı – cihad, fədakarlıq və ixlasla – hər zaman ədalətsizliyə boyun əyməyən, zülmə razı olmayan insanlar yetişdirəcək. Onun qiyamı əbədidir və islah çağırışı, fədakarlıq nə qədər böyük olsa da, daim davam edəcəkdir.

Çıxışının sonunda Şeyx Saidi, imam Zamana (ə.f), mərcəi-təqlidlərə, İslam ümmətinə və xüsusilə də Əhli-beyt (ə.s) davamçılarına imam Hüseynin (ə.s) Aşura şəhadətinə və qanın qılınc üzərindəki qələbəsinə görə dərin hüznlə başsağlığı vermişdir.