نجف اشرف: جامعہ مخزن العلوم جعفریہ کے اساتذہ کرام حجت الاسلام مولانا محمد کاظم رضا نقوی حفظہ اللہ، حجت الاسلام مولانا حسنین رضا عسکری حفظہ اللہ، حجت الاسلام مولانا محمد عسکری مقدسی حفظہ اللہ اور حجت الاسلام مولانا کاظم علی حیدری حفظہ اللہ نے آیت اللہ العظمیٰ حافظ بشیر حسین نجفی دام ظلہ الوارف سے ان کے مرکزی دفتر نجف اشرف میں ملاقات کی۔

ملاقات کے دوران مرجع عالی قدر دام ظلہ الوارف نے علماء کرام کی ذمہ داریوں پر گفتگو کرتے ہوئے فرمایا کہ عوام کی ہدایت اور رہنمائی علماء کرام کی بنیادی ذمہ داریوں میں شامل ہے، اور ایک انسان کی ہدایت دنیا و ما فیہا سے بہتر ہے۔

آئے ہوئے علماء کرام نے مرجع عالی قدر دام ظلہ الوارف کی صحت و سلامتی کے بارے میں دریافت کیا اور ان کی طول عمر  کے لیے دعا کی۔ اس موقع پر علماء کرام نے قیمتی وقت دینے پر آیت اللہ العظمیٰ نجفی دام ظلہ الوارف کا شکریہ بھی ادا کیا۔