مرجع مسلمین وجہانِ تشیع حضرت آیت اللہ العظمیٰ الحاج حافظ بشیرحسین نجفی دام ظلہ الوارف نے مرکزی دفتر نجف اشرف میں  جمہوریہ عراق میں عوامی جمہوریہ چین کے سفیر جناب کوئی وی اور ان کے ہمراہ آنے والے وفد کا خیر مقدم فرمایا  ۔
 مرجع عالی قدر دام ظلہ الوارف نے اس ملاقات میں مذاہب کے احترام اور جمہوریہ عراق اور جمہوریہ چین کے درمیان تاریخی تعلقات کو مستحکم کرنے کی اہمیت پر زور دیا، دونوں ممالک کے درمیان مشترکہ دلچسپی کے معاملات میں پیش رفت پر زور دیا، خاص طور پر تکنیکی پہلو، صنعتی اور اقتصادی اور ہر وہ چیز جودونوں ملک کے قدیم تاریخی تعلقات اور ان کے مفادات کے حق میں ہو ان شعبوں میں مزید تعاون پر زور دیا ۔
اس کے علاوہ، عوامی جمہوریہ چین کے سفیر محترم نے اپنے ملک کی ثقافت بیان کرتے ہوئے اور ان کے آئین کے ذریعہ مذاہب اور ثقافتوں کے لئے اعلیٰ احترام کے اپنے موقف کا اعادہ کیا اور اس پر تاکید کی ، مزید  انہوں نے چینی زبان میں قرآن پاک کا ایک نسخہ، اور اپنے ملک کی نایاب نوادرات  میں سے ایک مرجع عالی قدر دام ظلہ الوارف کی خدمت میں تحفتاپیش کیا۔