* عراق کی خودمختاری اور پانی کے مسئلے کے حل کی روشنی میں اسٹریٹجک تعلقات  پر تاکید 

مرجع مسلمين و جہان تشيع حضرت آيت الله العظمیٰ الحاج حافظ بشير حسين نجفی (دام ظلہ الوارف) نے مرکزی دفتر    نجف اشرف  میں عراق میں ترکیہ  کے سفیر جناب أنيل بورا إنان صاحب کا ان کے وفد کے ہمراہ خیر مقدم فرمایا  ۔

عراق اور ترکی کے تعلقات کی اہمیت، دونوں ممالک کے درمیان  مختلف مسائل میں مسلسل یکجہتی اور برادرانہ تعاون اور دونوں ممالک کے درمیان باہمی احترام اور مسلسل افہام و تفہیم کی ضرورت پر بات ہوئی ، نیز پانی کے مسئلے پر بات ہوئی جس نے عراق کو انسانی، زرعی اور جانوروں کی سطح پر شدید متاثر کیا۔

مذکورہ اجتماع میں عراق میں تعینات جماعتوں کی جانب سے ترکی کے خلاف حملوں اور ترکی پر حملے کے بہانے شمالی عراق میں موجود مقامات پر ترک قبضے کے بارے میں بھی بات کی  گئی ۔

دوسری جانب  مرجع عالی قدر دام ظلہ الوارف کے فرزند  اور مرکزی دفتر  کے مدیر حجۃ الإسلام  شیخ علی نجفی دام عزہ  نے  ملاقات  میں ترکیہ  کے سفیر اور مہمان وفد سے ملاقات میں  واضح طور پر وضاحت کرتے ہوئے فرمایا کہ حالیہ  وقت میں ہمارے لئے اہمیت کا حامل ہے  کہ دونوں ممالک کے درمیان تعلقات مختلف سطحوں پر تعاون کی مثبت راہ پر گامزن رہیں لیکن اس کے ساتھ ساتھ  ہم پانی کے مسئلے میں عراق کے ساتھ معاملات میں ترکی کی پالیسی کو واضح طور پر مسترد کرتے ہیں، اور گزشتہ برسوں میں عراقی مقامات کو متاثر کرنے والے فوجی داخلے کو  بھی مسترد کرتے ہیں۔