نجف اشرف: پاکستانی زائرین کے ایک وفد نےمرجع عالی قدر دام ظلہ الوارف سے  ملاقات کی، جس میں زیارت کی روحانی اہمیت اور عملی زندگی پر اثرات پر گفتگو کی گئی۔

ملاقات کے دوران مرجع عالی قدر دام ظلہ الوارف نے زائرین کو نصیحت کرتے ہوئے زیارت کو ایک عظیم روحانی موقع قرار دیا۔ انہوں نے امام حسین علیہ السلام کی زیارت کی فضیلت کو خاص طور پر اجاگر کرتے ہوئے کہا کہ زائرین کو اخلاص اور عاجزی کے ساتھ زیارت کرنی چاہیے۔

مرجع عالی قدر دام ظلہ الوارف نے زائرین کو تلقین کی کہ زیارت کے دوران دعاؤں کی قبولیت کے لیے اللہ سے رجوع کریں اور زیارت کو اپنی زندگی میں مثبت تبدیلی کا ذریعہ بنائیں۔ انہوں نے مزید کہا کہ زیارت کا حقیقی مقصد روحانی تطہیر اور عملی زندگی میں نیک تبدیلی لانا ہے۔

وفد کے اراکین نے ملاقات کے اختتام پر مرجع عالی قدر دام ظلہ الوارف کا قیمتی وقت دینے اور رہنمائی فراہم کرنے پر شکریہ ادا کیا۔ یہ ملاقات زائرین کے لیے ان کے روحانی سفر میں مزید استحکام اور شعور پیدا کرنے کا ذریعہ بنی۔