حضرت آیۃ اللہ العظمیٰ الحاج حافظ بشیر حسین نجفی دام ظلہ الوارف سے ورلڈ فیڈریشن خوجہ شیعہ اثنا عشری جماعت کے وفد کی ملاقات
22/2/2025
مرجع مسلمین و جہانِ تشیع حضرت آیۃ اللہ العظمیٰ الحاج حافظ بشیر حسین نجفی دام ظلہ الوارف نجف اشرف نے مرکزی دفتر نجف اشرف میں محترم الحاج صفدر جعفر صاحب ( صدر ) کی قیادت میں ورلڈ فیڈریشن خوجہ شیعہ اثنا عشری جماعت کے خصوصی وفد کا خیر مقدم فرمایا ۔
مرجع عالی قدر دام ظلہ الوارف نے محترم الحاج صفدر جعفر صاحب اور پوری کمیٹی کو دین و مذہب کی خدمت کی توفیق پر مبارکباد پیش کی اور بارگاہ ایزدی میں دعا فرمائی کہ خدا ان کی خدمات کو قبول فرمائے اور مزید خدمت کی توفیق سے انہیں نوازے ۔
واضح رہے کہ وفد میں ورلڈ فیڈریشن خوجہ شیعہ اثنا عشری جماعت کے مختلف ممالک کے سربراہان و عہدیداران بھی شامل تھے ۔