Ayətullah əl üzma Şeyx Bəşir Hüseyn Nəcəfi (kölgəsi davamlı olsun) təkidlə qeyd etdi ki, İraq öz zənginliyi və xalqı ilə seçilən bir ölkədir, dünya ölkələri və xalqları arasında ön sıralardadır və siz İraqa mənsub olmaqdan şərəf duymalısınız. Bu nitq Diyala şəhərində orta məktəb şagirdlərindən ibarət nümayəndə heyətini qəbul edərkən olub.

Hörmətli mərcəi təqlid (kölgəsi davamlı olsun) əlavə etdi ki, İraq zəngin bir ölkədir və özünə məxsus coğrafi mövqeyə malikdir. Lakin bu nemətlərdən İraqın qurulmasında və xalqın vəziyyətinin yüksəldilməsində lazımınca istifadə edilməmişdir və siz gələcəyin gəncləri elm əldə etmək üçün ikiqat səy göstərməlisiniz. İraqı inkişaf etmiş ölkələr sırasına daxil etmək üçün onu inkişaf etdirməyə və qurmağa qadir olan həqiqi alimlər və ziyalılar olan liderlərə ehtiyacı var.

Hörmətli şeyx çıxışında təkidlə, testlərdə və imtahanlarda ən yüksək qiymətləri almaq üçün, öyrənmək, müzakirə və nəzərdən keçirmək üçün ikiqat səy göstərməyin zəruriliyini vurğuladı. Hörmətli şeyx işarə etdi ki, İraq xalqı dünya xalqlarının ən zəkalı insanlarıdır və İraqın ağıllarına İraq və İraq xalqı naminə sərmayə qoymalı olduğunuz xəzinə kimi baxılmalıdır.

Hörmətli şeyx əlavə etdi ki, Allah taala İraqı Əhli-Beyt İmamlarının (ə.s) altı hərəmi, dünya dövlət hakimiyyətinin mərkəzi və imam Sahibəz-Zamanın (canımız Onun ayağının tozuna fəda olsun) idarəsi ilə şərəfləndirərək minnətləndirib.

Hörmətli mərcəi təqlid (kölgəsi davamlı olsun) təkidlə vurğuladı ki, gənclər analarına hörmət etməlidirlər. Çünki o, onları Əmirul-mömininə (ə.s) sədaqət və məhəbbətlə böyütmüş, bəsləmişdir ki, bu da böyük nemətdir. Hörmətli şeyx təkidlə cavanlara, Allahın razılığına nail olmaq, dünyada müvəffəqiyyət qazanmaq və axirətdə feyzə yetişmək üçün gənclərin namaz və ibadətə mültəzim olamalarını vurğuladı.