Ayətullah əl Üzma Şeyx Bəşir Hüseyn Nəcəfi (kölgəsi davamlı olsun ) möminlərin Şaban ayının ortasında sevinclərinə şərik oldu
20/2/2025
Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) təmsilçisi və mərkəzi ofisinin müdürü Şeyx Əli Nəcəfi Kərbəla şəhərində təşkil olunan böyük toplantıda iştirak edərək, Sahibuz-zaman imam Məhdinin (ə.f) mövludu münasibətilə möminləri, xüsusilə də yer üzündəki zəifləri (müstəzəfləri) təbrik etdi. O, Uca Allahdan Sahibuz-zaman imam Məhdinin (ə.f) tezliklə zühur etməsini diləyərək, bu əziz günün hamı üçün mərhəmət və bərəkət mənbəyi olmasını arzuladı.
Şeyx Əli Nəcəfi möminlər qarşısında etdiyi çıxışında bu mövludun fəzilətləri və savabları haqqında müjdə verərək imam Sadiqdən (ə.s) nəql olunan hədisə toxundu: "Allah, Şaban ayının ortasında imam Hüseynin (ə.s) ziyarətçisinin keçmiş və gələcək günahlarını bağışlayar". Həmçinin imam Zeynul-Abidinin (ə.s) belə buyurduğunu qeyd etdi: "Kim yüz iyirmi dörd min peyğəmbərlə (ə.s) görüşmək istəyirsə, Şaban ayının ortasında imam Hüseynin (ə.s) qəbrini ziyarət etsin". Bundan əlavə, Sahibuz-zaman imam Məhdinin (ə.f) Şeyx Müfidə (Allah ona rəhmət etsin) ünvanladığı məktubdan bir hissəni xatırlatdı: "Biz sizin qayğınıza qalmaqdan qafil deyilik və sizi yada salmağı unutmuruq. Əgər belə olmasaydı, müsibətlər sizi bürüyər və düşmənlər sizi məhv edərdi. Buna görə də Allahdan qorxun".
Bundan əlavə, onun fəzilətli şəxsiyyəti qeybdə olduğu dövrdə möminin vəzifələrinə, namazın əhəmiyyətinə və Əhli-beyt (ə.s) yoluna və dəst-xəttinə bağlı qalmağa işarə etdi. O, bu gecədə yerinə yetirilməli olan əməlləri, o cümlədən namaz qılmağı, ziyarətləri oxumağı, Əhd, Nüdbə, İftitah, Fərəc və Ğəriq dualarını, eləcə də imam Zaman (ə.f) ilə beyətin təzələnməsi duasını və onun zühurunun tezləşməsi üçün dua etməyi tövsiyə etdi. Sözlərini isə Uca Allahdan möminləri əmin-amanlıq, sabitlik, sağlamlıq və Həzrət Muhəmməd (s) və pak imamların (ə.s) yolunda sabitqədəm olmaqla qorumasını diləməklə tamamladı.