Ayətullah əl Üzma Şeyx Bəşir Hüseyn Nəcəfi (kölgəsi davamlı olsun) Türkiyə Respublikasından gələn möminlərin nümayəndə heyətini qəbul etdi. Görüş zamanı nümayəndə heyəti dini və ata nəsihətlərini dinlədi.

Hörmətli mərcəi-təqlid (kölgəsi davamlı olsun) bildirdi ki, müqəddəs şəriət bizim əməllərimizi dəqiqliklə dəyərləndirir. Buna görə də İraqa gələn möminləri, müqəddəs məkanların bərəkəti ilə İslamın saf mənbəyindən faydalanmağa çağırırıq.

O vurğuladı ki, müqəddəs İraq torpaqlarını ziyarət etmək böyük bir fürsətdir. Ziyarət edən şəxs bu səfər zamanı həqiqi Muhəmmədi imanının ruhunu hiss edərək, vətəninə qayıtdıqda bu böyük imanla işıqlanmalı və daha yaxşı, daha gözəl və daha kamil bir şəxsiyyətə çevrilməlidir ki, onun bu dəyişiklikləri ailəsi və cəmiyyət tərəfindən də hiss olunsun.

Hörmətli mərcəi-təqlid (kölgəsi davamlı olsun) həmçinin imam Hüseynin (ə.s) ziyarətinin böyük fəzilətlərindən və İslamda onun əvəzsiz mükafatlarından danışdı.

Görüş zamanı o, xüsusilə gənclər və qadınlarla bağlı bir sıra fiqhi və ata nəsihətləri verdi. Sonda Uca Allahdan bütün dünyadakı möminləri qorumasını və onları hidayət və saleh əməllər yoluna yönəltməsini dilədi.