Sual: İzahlı Şəriət Məsələləri kitabının zəkat bölməsində "amilun" (zəkatı toplamaq, hesablamaq və çatdırmaq üçün İmam və ya onun naibi tərəfindən təyin edilən şəxs) və "muəllifə qulubəhum" (zəkat almaqla islama meyil etdirilən və ya müsəlmanlara döyüşdə və digər işlərdə yardım edən qeyri-müsəlmanlar) kimi terminlər qeyd olunmuşdur. Zəhmət olmasa, "ğarimun" termini barədə də açıqlama verə bilərsinizmi?

Cavab: Allahın adı ilə. Sualınızdakı mövzular "Mustəfa Dinul-Qəyyim" kitabımızda geniş şəkildə izah olunmuşdur. Daha ətraflı məlumatı oradan əldə edə bilərsiniz. "Ğarimun" isə, borcu çox olan və bu borcları ödəməkdə aciz qalan şəxslərə deyilir. Bununla belə, qeyd etmək lazımdır ki, ehtiyata əsasən həmin borcların günah işlərdən qaynaqlanmadığına diqqət yetirilməlidir. Allah daha yaxşı biləndir