تاريخ: 14 ربيع الاول 1446 ھ، بمطابق: 18/9/2024

بسم الله الرحمن الرحيم

(اسْتَعِينُوا بِاللهِ وَاصْبِرُوا إِنَّ الْأَرْضَ للهِ يُورِثُهَا مَنْ يَشَاءُ مِنْ ‏عِبَادِهِ وَالْعَاقِبَةُ لِلْـمُتَّقِينَ)

الله پاڪ جو حڪم آهي:

"الله کان مدد وٺو ۽ صبر ڪريو، بيشڪ زمين الله جي آهي، جنهن کي چاهي ٿو پنهنجي ٻانهن مان وارث بڻائي ٿو، ۽ ڀلي پڄاڻي پرھيزگارن لاءِ آهي."

هڪ ڀيرو ٻيهر، غاصب ٽولي اڱاري جي ڏينهن تي لبنان ۾ اسان جي عزيز ماڻهن تي سخت خوني حملي ذريعي غداري ۽ ڌوڪي جو زهر اڳريو آهي. هي حملو مجاهد مؤمنن ۽ عام شهرين جي هڪ وڏي ٽولي تي ڪيو ويو.

انتهائي افسوس جوڳي ڳالهه آهي تہ ھي ظلم ۽ ڏاڍ، جيڪا سڀني انساني قدرن، شريعتن ۽ قانونن جي ڀڃڪڙي آهي، ان تي مغربي ملڪ، جيڪي غاصب ٽولي جا حمايتي آهن ۽ انسانيت جا پڻ دعويدار آھن تن ڪوبہ ردعمل ظاهر نہ ڪيو آھي . ۽ هي هڪ واضح جرم آهي، جيڪو انسانيت خلاف آهي، ۽ گهٽ ۾ گهٽ ان جو اظهار ائين ڪري سگهجي ٿو تہ هي عمل اخلاقي اقدار کان مڪمل طور پري آهي.

ان موقعي تي اسين امام زمانه (عج)، شهيدن جي وارثن ۽ زخمين جي خدمت ۾ تعزيت ۽ تسليت پيش ڪريون ٿا ۽ الله جي بارگاه ۾ دعاگو آهيون تہ الله سائین اسان جي شهيدن جي مغفرت فرمائي، زخمين کي جلد صحتيابي ڏي ۽ سڀني مؤمن مجاهدن کي فتح ۽ ڪاميابي عطا فرمائي.

‏(وَمَنْ يَتَوَلَّ اللهَ وَرَسُولَهُ وَالَّذِينَ آَمَنُوا فَإِنَّ حِزْبَ اللهِ هُمُ الْغَالِبُونَ)

"۽ جيڪو الله، سندس رسول ۽ مؤمنن کي پنهنجو سرپرست بڻائي ٿو تہ بيشڪ الله جو ٽولو ئي غالب آھي."

صَدَقَ اللّهُ الْعَلِيُّ الْعَظِيمُ