جامعہ فاطمیہ کے پرنسپل علامہ اخلاق شیرازی حفظہ اللہ اور شیعہ علماء کونسل پاکستان کے ڈپٹی سیکرٹری اطلاعات سید الطاف حسین کاظمی صاحب نے مرجع عالی قدر آیت اللہ العظمیٰ حافظ بشیر حسین نجفی دام ظلہ الوارف سے ان کے مرکزی دفتر نجف اشرف میں ملاقات کی۔ ملاقات کے دوران معززین نے مرجع عالی قدر دام ظلہ الوارف کی صحت کے بارے میں استفسار کیا اور ان کی درازی عمر کے لیے خصوصی دعا کی۔

علامہ اخلاق شیرازی حفظہ اللہ اور سید الطاف حسین کاظمی صاحب نے مرجع عالی قدر دام ظلہ الوارف کے وجود کو امت مسلمہ کے لئے بالعموم، اور شیعیان عالم و برصغیر پاک و ہند کے مؤمنین کے لیے بالخصوص، ایک عظیم نعمت قرار دیا۔ انہوں نے مرجع عالی قدر دام ظلہ کا قیمتی وقت دینے پر تہہ دل سے شکریہ ادا کرتے ہوئے ان کی رہنمائی اور علمی و فکری سرپرستی کو سراہا۔

ملاقات کے دوران مرجع عالی قدر نے مہمانوں کے نیک جذبات کی قدر دانی کرتے ہوئے دعا کی کہ اللہ تعالیٰ امت مسلمہ کو ترقی اور سربلندی عطا فرمائے اور شیعیان علی علیہ السلام کو علم و عمل کی دولت سے مالامال رکھے۔