Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) nümayəndəliyi Bəsrə şəhərində, Deyr bölgəsində, mömin və möminələr üçün bir neçə Ramazan dini mühazirəsi təşkil edib.

Şeyx Müsənna Rubeyi bu dəyərli görüşdə Ramazan ayının önəmini və onu ibadət, dua və orucla canlandırmağın vacibliyini vurğulayıb. O, həmçinin bu ayın xüsusi hörmətə malik olduğunu və Allahın ona olan tələblərinin tam şəkildə yerinə yetirilməsini önə çəkib. Şeyx rubeyi Allahın ayələrinə istinad edərək belə deyib: “Ey iman gətirənlər! Oruc tutmaq sizdən əvvəlki ümmətlərə vacib edildiyi kimi sizə də vacib edildi ki, bəlkə təqvalı olasınız”. (Bəqərə 2/183) “Ramazan ayı, insanlara doğru yol göstərən, bu yolu açıq dəlilləri ilə aydınlaşdıran və haqqı  batildən ayıran Quran Ramazan ayında nazil olmuşdur. Aya yetişən şəxslər oruc tutmalıdırlar; xəstə və ya səfərdə olanlar isə tutmadığı günlərin sayı qədər başqa günlərdə tutsunlar”. (Bəqərə 2/185)

Şeyx Rubeyi, təbliğat rolunun vacibliyini və bu böyük fürsətdən istifadə edərək doğru dini məlumatların yayılmasını vurğulayıb. O, qadının ailəsinin xoşbəxtliyi və həyatının düzgün idarə olunmasında açar rolunu oynadığını, xüsusilə də ana, bacı və həyat yoldaşının ailə həyatında əvəzolunmaz olduğunu qeyd edib. Dinimiz qadının bu mühüm rolunu tanıyır və ona bu vəzifələrini yerinə yetirmək üçün müxtəlif təlimatlar təqdim edir.

Şeyx Rubeyi qadının ictimai həyatda olan rolunun vacibliyini də qeyd edib, İslamın ona verilən mühüm vəzifə və hörməti ailənin xoşbəxtliyini təmin etmək üçün verdiyini vurğulayıb.