Bismilləhir-Rahmənir-Rahim.

Həqiqətən, biz Allaha məxsusuq və Ona tərəf qayıdacağıq. Uca və Əzəmətli Allahdan başqa heç bir qüvvə və güc sahibi yoxdur.

Allahın vədinə iman edən qəlblərlə İran İslam İnqilabının rəhbəri, mücahid Ayətullah əl Üzma Seyid Xameneinin (r) və onunla birlikdə şəhid olan silahdaşlarının şəhadəti münasibətilə başsağlığı verir, onları ehtiramla yad edirik.

Hörmətli Seyid öz çiyinlərində İslam ümmətinin məsələlərinə dəyər qazandıran böyük bir dirçəliş layihəsini daşıyırdı. O, onilliklər boyu İran İslam Respublikasına sabitlik, hikmət, mətinlik və izzətlə rəhbərlik etdi, ölkənin beynəlxalq mövqeyini möhkəmləndirdi və haqq-ədalət yolunda zəngin bir irs, mühüm nailiyyətlər qoyub getdi.

Ümid edirik ki, o, imam Sahibəz-Zamanın (ə.f) və Xanım Zəhranın (s.ə) yanında qərar tapmışdır.

İran xalqına və onu sevənlərə səbir, Allah dərgahında isə böyük mükafat ümidi arzulayırıq. Əminik ki, əziz İran xalqı öz yolunda və saleh əcdadlarının yolunda möhkəm, sabit və sarsılmaz qalacaq.

Onun hədəfə alınaraq qətlə yetirilməsi kimi bu böyük və xain cinayət, haqqı, dini və onun daşıyıcılarını aradan qaldırmağa yönəlmiş addımlar silsiləsinin bir hissəsidir. Lakin Allah Öz nurunu tamamlayandır – kafirlər və müşriklər istəməsələr belə.

Zalımlar tezliklə hansı aqibətə düçar olacaqlarını biləcəklər. Həqiqətən, gözəl aqibət müttəqilər üçündür.

Bəşir Hüseyn Nəcəfi