Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) ofisi Ziqar şəhərindən gələn gənclik kurslarının tələbələrindən ibarət nümayəndə heyətini mübarək ofisində qəbul edib. Nümayəndə heyəti bu ziyarətdən məmnunluğunu ifadə edərək bildirib ki, bu səfər gənclər arasında dini və əxlaqi şüurun gücləndirilməsinə yönəlmiş maarifləndirici proqram çərçivəsində həyata keçirilir.

Onları hörtmətli Seyid Muhəmməd Tahir Cəzairi qarşılayıb və hörmətli mərcəi-təqlid Nəcəfinin (kölgəsi davamlı olsun) tövsiyə və göstərişlərini çatdırıb.

Seyid Cəzairi vurğulayıb ki, elm ilə silahlanmaq ümmətlərin dirçəlişinin əsası və cəmiyyət quruculuğunun dayağıdır. Eyni zamanda namazın qorunmasının vacibliyini qeyd edib; çünki namaz dinin sütunu və bəndənin Rəbbi ilə əlaqəsidir. Həmçinin valideynlərə qayğı və onlara yaxşılıq etməyin Allahın razılığını qazanmaq və həyatda müvəffəq olmaq üçün böyük təsiri olduğunu bildirib.

O əlavə edib ki, valideynlərə – xüsusilə anaya – hörmət və ehtiram göstərmək böyük bir xəzinə və ilahi bir nemətdir. Bu, dünya və axirətdə uğurun əsası, sağlam ailənin qurulması və sağlam cəmiyyətin təməlidir. Valideynə itaət həyatda bərəkət gətirir və nəsillər arasında sevgi və mərhəmət bağlarını gücləndirir.

Hörmətli Seyid həmçinin insanın öz həyatına rəhbər olmasının vacibliyinə toxunub. O bildirib ki, insan özünə nəsihət etməli, nəfsini nəzarətdə saxlamalı, valideyn və tərbiyəçilərin yönləndirmələrinə əməl etməlidir. Hər bir insanın həyatında aydın bir məqsədi olmalı, öz potensialını düzgün istiqamətdə istifadə etməli, iş və istirahət arasında tarazlıq saxlamalı və Allahın razılığını qazanacaq şəkildə gələcəyini planlaşdırmalıdır.

Bundan əlavə, vaxtın idarə olunmasının əhəmiyyətinə diqqət çəkərək qeyd edib ki, həyat yalnız çalışmaq və aktivliklə dolu olmamalıdır. İş və istirahət arasında balans qurmaq, məqsədləri planlaşdırmaq və vaxtı həm fərd, həm də cəmiyyət üçün faydalı işlərə sərf etmək lazımdır. Vaxtın dəyərini dərk etmək və onu hikmətlə istifadə etmək təqvanın bir hissəsi və şəxsi inkişafın, uğurun vasitəsidir.