Ayətullah əl Üzma Şeyx Bəşir Hüseyn Nəcəfinin (kölgəsi davamlı olsun) Diyalə şəhərindəki nümayəndəsi Şeyx Amir Cənabi, müqəddəs Kərbəlaya imam Hüseynin (ə.s) Ərbəin ziyarətini yerinə yetirmək üçün gedən  zəvvarlara xidmət məqsədilə “Ya Hüseyn” yolu üzərində, xüsusilə Məndəli rayonu və Qəzaniyyə bölgəsində fəaliyyət göstərən istifta məntəqələrində dini təbliğat, moizə və maarifləndirmə xidmətlərinin göstərilməsində, həmçinin şəri suallara və istifta müraciətlərinə cavab verilməsində iştirak etmişdir.

Şeyx Amir Cənabi bildirmişdir: “İmam Hüseynin (ə.s) zəvvarlarına xidmət etmək, dini təbliğat vəzifəsini yerinə yetirmək, şəri suallara cavab vermək dini məsuliyyət və mübarək bir vəzifədir. Möminlər bu vəzifəni tam ixlasla yerinə yetirməyə çalışırlar. Bu xidmətlər piyada şəkildə imam Hüseynə (ə.s) – Əbül-Əhrarın Kəbəsinə doğru hərəkət edən əziz zəvvarların keçdiyi yol üzərində həyata keçirilir”.

O əlavə etmişdir ki, Məndəli rayonu və Qəzaniyyə bölgəsi əhalisinin zəvvarlara göstərdiyi xidmətlər İraq cəmiyyətinin əsilliyini, səxavətini və imam Hüseynə (ə.s) olan dərin bağlılığını əks etdirir. Bu xidmətlər ixlas və doğru yol uğrunda fədakarlıq və səxavətin parlaq nümunələrindən birini təcəssüm etdirir.

O, həmçinin qeyd etmişdir ki, hörmətli mərcəi-təqlidin (kölgəsi davamlı olsun) nümayəndəliyi imam Hüseynə (ə.s) xidmət edənlərin böyük səyləri ilə yanaşı, zəvvarların qarşılanmasında və onlara müxtəlif xidmətlərin göstərilməsində də iştirak etmişdir. Bu xidmətlərə çadırların və  mövkiblərin qurulması, eləcə də İran İslam Respublikasından gələn yüzlərlə zəvvarın müqəddəs Kərbəlaya pulsuz daşınması üçün nəqliyyat vasitələrinin təmin edilməsi daxildir.